خدي خطوة صغيرة… وابدئي تبني نفسك من جوه 💜

 

أوقات كتير بنحس إننا تايهين أو متلخبطين، ومش عارفين نبدأ منين عشان نغير حياتنا ونطور نفسنا. 

الحقيقة، الموضوع مش صعب، هو بس محتاج خطوة واحدة صغيرة بس عشان تبدأي تتحركي لقدام.

إزاي تبدأي؟

1️⃣ اعرفي نفسك أكتر

اقعدي مع نفسك 5 دقايق كل يوم واسأليها: "أنا حاسة بإيه؟ أنا عايزة إيه دلوقتي؟"

الكتابة أو الجورنال هنا هتساعدك تفهمي مشاعرك وتلاحظي أي نمط بيتكرر في حياتك.

2️⃣ حددي أولوياتك

مش لازم تغيّري كل حاجة مرة واحدة. 

اختاري حاجة واحدة صغيرة تحبي تغيريها أو تحسنيها ...

زي مثلا تنظيم يومك، أو تقليل السوشيال ميديا ساعة قبل النوم.

3️⃣ اعملي لنفسك روتين صغير

روتين يومي بسيط، حتى لو 10 دقايق.

الروتين بيخلق إحساس بالثبات والسيطرة. 

ممكن يكون: تنفس عميق، كتابة، 

أو قراءة مقالة تحفيزية أو رواية حتى، 

ممكن سماع بودكاست أو درس مفيد.

4️⃣ احتفلي بالنجاحات الصغيرة

مش لازم تستني النجاح الكبير عشان تفرحي. 

كل خطوة صغيرة ليها قيمة، وكل تقدم مهما كان بسيط، هو دليل على قوتك وسعيك.

5️⃣ كوني لطيفة مع نفسك

أكتر حاجة بتوقفنا عن التقدم هي قسوة نفسنا على أخطائنا. 

افتكري إن كل يوم فرصة جديدة تبدأي فيها ...

 وكل تجربة حتى لو فشلت، بتعلمك حاجة جديدة عن نفسك.

💡 وافتكري دايما: 

التغيير مش سباق، ده رحلة. 

خطوة خطوة ... وبتقدري تحققي كل اللي نفسك فيه. 

المهم تبدأي وتحطي رجليكي على الطريق ... حتى لو بخطوة صغيرة.

بقلم: بسمله دهب "𝓑𝓜𝓓" – كوتش نفسي ومرشد شخصي 💜

شاركي أفكارك أو تجاربك في التعليقات، إحنا هنا عشان ندعم ونشجع بعض 💫

تقدري تتواصلي معايا على السوشيال ميديا بتاعتي:

🌸 انستجرام: [https://www.instagram.com/basmalh.m.dahab?igsh=Nm9lcHMwb2F6cm9i]

🌸 فيسبوك: [https://www.facebook.com/share/1FhxsghCyv/]